Lajme

Qeveria VV-LDK “përplasjen” e parë do ta ketë në zgjedhjet e jashtëzakonshme që do të mbahen në Podujevë, pas kalimit të Veliut në MPB

02/02/2020 16:30
nga:Gazeta Blic

Qeveria e re e formuar nga Vetëvendosje dhe LDK sfidën e parë shumë të madhe do ta ketë brenda pak javësh.

Emërimi i nënkryetarit të LDK-së, Agim Veliu në postin e Ministrit të Punëve të Brendshme, do ta çojë Podujevën në zgjedhje të jashtëzakonshme, duke i përballë këto dy parti prap tek kutitë e votimit.

Sikurse edhe dihet, ishin pikërisht këto dy parti që në zgjedhjet e fundit lokale, u përballën në balotazh për të parin e Podujevës, shkruan Gazeta Blic.

Agim Veliu dhe Ajet Potera, kishin shkuar në balotazh në vitin 2017, ndonëse Veliu e kishte mposhtur në raundin e dytë.

Por, sa do ta tejklojnë këtë sfidë këto dy parti dhe si do të ndikojë kjo garë në qeverisjen qendrore, gjegjësisht në Qeverinë VV-LDK, kur dihet se partia e Mustafës e ka bastion të saj Podujevën, mbetet të shihet.

LDK thuajse në të gjitha zgjedhjet e kishte fituar Podujevën pa balotazh, përjshto zgjedhjet e fundit, kur Ajet Potera i Vetëvendosjes, kishte arritur që ta sfidonte LDK-në në krye me Agim Veliun.

Vetëvendosje e LDK pas më shumë se tre muaj negociatash, më në fund, gjatë ditës së sotme kanë arritur ta lidhin marrëveshjen për bashkëqeverisje.

Kjo marrëveshje u arrit vetëm atëherë kur Vetëvendosje hoqi dorë nga posti i kryetarit të Kuvendit, dhe se ishte pikërisht në kryetari i LDK-së, Agim Veliu ai i cili këmbëngulte në këtë kërkesë të partisë së tij.

Ndryshe, sot Kryesia e LDK-së e ka propozuar AhimVeliun për ministër të Brendshëm.

Siç merret vesh nga burime brenda LDK-së, kjo parti tashmë e ka propozuar Veliun për postin ndër më të rëndësishmin në Qeverinë Kurti.

“Agim Veliu është propozuar për ministër të Punëve të Brendshme”, tha ky burim.

Ndryshe, Ministria e Punëve të Brendshme ka qenë ndër ministritë më të preferuara nga VV, por LDK nuk kishte lëshuar pe.

Ministrinë e Punëve të Brendshme, që e donte shumë Vetëvendosje- do ta drejtoj Agim Veliu

 

 

 

 

06/08/2020 19:36

Veliu riaktivizon Planin e Reagimit Kombëtar