Sporti

Pretendon se është si Ferguson, trajneri godet me ‘shuplaka’ lojtarët e rinj

10/26/2019 23:25
nga:M K

Trajneri Halit Kurt i goditi me shuplakë lojtarët e skuadrës së tij të të rinjve e pastaj pretendoi se ai po e kopjonte me këtë veprim legjendën e Manchester Unitedit, Sir Alex Fergusonin.

Në një video skandaloze të publikuar online, trajneri Helit Kurt shihet duke ecur nëpër zhveshtoren e ekipit të të rinjve të klubit turk, Kayseri Myssuspor, përderisa e godiste secilin lojtar.

Ai u tha lojtarëve të tij të frikësuar pasi luajtën keq në pjesën e parë të një ndeshjeje: “Do të ju vras të gjithëve! Çfarë dështimi!”.

Ministria e Sportit e Turqisë është duke e hetuar këtë rast, përderisa Kurt është ende në pozitën e trajnerit të klubit, edhe tre vjet pas këtij incidenti. Megjithatë, videoja e këtij rasti është publikuar online vetëm së fundi.

Kurt insiston se goditja me shuplakë e lojtarëve të rinj ishte një praktikë normale në futboll, që ishte përdorur nga Sir Alex Fergusoni dhe trajneri turk Fatih Terim.

Ai beson se veprimet e tilla i motivojnë lojtarët për t’i fituar ndeshjet.

“Jo vetëm unë e përdori këtë metodë, ishte e përdorur shumë në gjeneratat e mëparshme. Të gjithë e dimë se Alex Fergusoni e goditi David Beckhamin. Fatih Terimin gjithashtu i godiste lojtarët kohë pas kohe”, ka thënë Kurt.

Ish-trajneri skocez i Manchester Unitedit e kishte qëlluar me këpucë Beckhamin në zhveshtore, mirëpo ai rast kishte qenë aksidental.

03/26/2020 15:58

Ferguson i pakënaqur, fqiu i tij po tenton të ndërtojë objekte që do t’ia zë diellin e do t’i pretë pemët