Ushtria izraelite shkatërroi një ndërtesë në një zonë banimi në Bejrutin jugor të premten.
Sipas mediave të huaja, vëzhguesit paralajmërojnë se sulmi mund të nënkuptojë një rifillim të luftës në shkallë të gjerë.
Po ashtu, bëhet e ditur se ky sulm ishte i pari që nga armëpushimi i vendosur, shkruan A2 CNN.
Ndërkohë lidhur me këtë sulm kanë reaguar edhe Shtetet e Bashkuara të Amerikës. Gazetari i Axios Barak Ravid thotë se ai ka folur me Morgan Ortagus, zëvendës e dërguara speciale e SHBA-së për Lindjen e Mesme, në lidhje me sulmin e fundit të Izraelit në kryeqytetin libanez, për të cilin ushtria izraelite thotë se ishte në përgjigje të raketave të lëshuara nga Hezbollahu, diçka që grupi libanez e mohon.
“Izraeli po rrezikon qytetarët dhe interesat e tij” duke iu përgjigjur sulmeve të supozuara me raketa nga Libani, citoi ai të thoshte Ortagus në një postim në rrjetin social ‘X’.
“Qeveria libaneze është përgjegjëse për çarmatosjen e Hezbollahut dhe të gjithë terroristëve të tjerë. Ne presim që ushtria libaneze të parandalojë sulme të mëtejshme,” shtoi ajo, sipas Ravid.
Ai tha se një zyrtar i lartë amerikan i kishte thënë se Ortagus zhvilloi bisedime me zyrtarët libanezë sot dhe armëpushimi ishte shkelur “nga Libani, jo nga Izraeli”.
“Ortagus zhvilloi gjithashtu bisedime me zyrtarë të lartë izraelitë dhe theksoi se SHBA-ja mbështet Izraelin, por dëshiron të shmangë përshkallëzimin e mëtejshëm në kufirin verior”, shtoi Ravid, shkruan A2 CNN.
