Kryetari i Lidhjes Demokratike të Kosovës, njëherish kandidat për kryeministër, Lumir Abdixhiku ka vizituar sonte qytetin e Ferizajt në kuadër të Turneut të Ndryshimit, raporton GazetaBlic.
Abdixhiku prezantoi edhe kandidatët për deputetë nga Ferizaj, Visar Azemin, Paris Gurin, Bahrije Hysenin dhe Ibadete Mehmetin.
Kryetari i Forumit Rinor të LDK’së, Paris Guri, përmes një postimi në rrjetin social facebook, me krenari dhe emocion njofton se është zyrtarizuar si kandidat për deputet.
Guri thotë se ky nuk është vetëm rrugëtimi i tij por rruga e përbashkët drejt ndryshimit të madh të 9 shkurtit.
Postimi i plotë:
Sot, me krenari emocion e zemër plot, ju njoftoj se jam zyrtarizuar si KANDIDAT PËR DEPUTET!
Unë besoj në punë, përkushtim dhe në forcën e njerëzve për ta ndryshuar realitetin. Jam gati të përfaqësoj zërin tuaj, të mbroj interesat tuaja dhe të punoj për një Kosovë më të drejtë, më të zhvilluar ku RINIA është kryefjala. Do të jem me ju, e për ju. Do të jem gjithmonë PARISI I RINISË ❤️
Ky nuk është vetëm rrugëtimi im – është RRUGA JONË E PËRBASHKËT drejt ndryshimit të madh të 9 shkurtit!
Falenderoj përulësisht secilin aktivist e aktiviste të forumit të rinisë, që për asnjë moment nuk u ndalën duke punuar për të arritur atë që kemi sot.
Falenderoj përzemërsisht kryeministrin në ardhje Lumirin tonë, që gjithmonë ishte krah nesh, e me ne. Falenderoj mikun tim, kryetarin e Ferizajt Visar Azemin që parreshtur më ka mbështetur. Pa ju ky rrugëtim nuk do të ishte i mundur.
Ne kete rrugetim, me shume se kurre kam nevoje per mbeshtetjen tuaj, deri me 9 shkurt. Ju them se mund te ia dalim, ju them se bashke do te ia dalim.
Jemi bashkë ❤️
