Lajme

Paralajmëron Infektologu Krasniqi: Kulmi i coronavirusit në Kosovë, pas dy apo tri javësh

03/16/2020 21:51
nga:Gazeta Blic

Infektologu Valbon Krasniqi, thotë se situata me coronavirusin në Kosovë nuk bën të nënvleftësohet por pjesa dërmuese e të prekurve do të kalojnë pa pasoja.

Krasniqi, në “Debat Plus” me Ermal Pandurin në RTV Dukagjini, thotë se duke marrë parasysh zhvillimin e virusin në Kina apo Itali, në Kosovë piku i epidemisë pritet të jetë pas dy apo tre javësh.

“Por pa marrë parasysh numrin e të sëmurëve, mbi 80 për qind e të prekurve do ta kalojnë sëmundjen me simptoma të lehta deri të ato më të moderuara ndërsa një numër fare i vogël mund të përfundojnë me fatalitet”, tha ai, përcjell Telegrafi.

Infektologu thotë se situata nuk mund të nënvleftësohet pasi sipas tij është paralajmëruar qysh nga janari është paralajmëruar se edhe ën Kosovë do të vijë sëmundja.

Krasniqi thotë se deri më tani nga rastet në vende të ndryshme të botës ndër 1,000 mijë persona të prekur vetëm 4 persona kanë gjasa të vdesin.

“Edhe këta 4 duhet të plotësojnë kushtin që të kenë ndonjë sëmundje tjetër kronike”.

Infektologu thotë se edhe në Itali mbi 98% e të vdekurve kanë qenë të moshës mbi 60 vjeçare.

“Nuk po tregojmë statistikat për të frikësuar të moshuarit pasi janë pjesë e rëndësishme e jonë, por e bëjmë për të pasur kujdes që të mos infektohen”, deklaroi ndër të tjera Valbon Krasniqi.

Lajmi i mirë: Çifti i fejuar që u infektua me coronavirus në Londër nuk gjendet në QKUK, ata po trajtohen në shtëpi

04/01/2020 15:19

Koronavirusi kërcënon edhe kur jeni në gjumë! Shumica janë infektuar në këtë mënyrë, as që e kanë ditur