Ish zëvendëskryeministri i Kosovës dhe ministri i Punëve të Jashtme, Behgjet Pacolli, aktualisht lider i Aleancës Kosova e Re është shprehur i gatshëm që të jetë pjesë e dialogut me Serbinë.
“Natyrisht është obligim i secilit prej nesh që të japim kontributin tonë në këto tema”, është shprehur Pacolli për Front Online.
Pacolli ka kundërshtuar çfarëdo interpretimi që Asociacioni i Komunave me shumicë serbe të bëhet ndryshe.
Sipas tij Asociacioni duhet të bëhet të bëhet vetëm në pajtim me Aktgjykimin e Gjykatës Kushtetuese.
“Sa i përket asociacionit ai është i pranueshëm vetëm sipas gjykimit të Gjykatës kushtetuese që është autoriteti i vetëm i interpretimit të Kushtetutës tonë dhe kjo është e qartë”, ka thënë ai.
Pacolli, më tutje ka thënë se si AKR do të japin kontributin e tyre në Kuvend për temat me interes nacional për vendin.
Gjykata Kushtetuese e Republikës së Kosovës, kishte bërë ditur se disa pjesë të marrëveshjes për krijimin e Asociacionit të Komunave me shumicë Serbe (AKS) e nënshkruar më 25 gusht të 2015 nuk janë në pajtim me Kushtetutën e Kosovës.
Në vendimin e saj Gjykata Kushtetuese sqaron se Asociacioni i Komunave me shumicë Serbe duhet të themelohet ashtu siç është parashikuar në marrëveshjen e parë të nënshkruar ndërmjet Kosovës dhe Serbisë më 19 prill të vitit 2013, marrëveshje kjo që shënoi fillimin e normalizimit të marrëdhënieve ndërmjet Kosovës dhe Serbisë.
LEXO EDHE:
