Lajme

Oferta e së premtes e VV-së: Kabineti Kurti me 15 ministri, 7 LDK, 5 VV, 3 minoritetet. Kryeparlamentari s’preket, presidenti LDK-së

01/26/2020 19:28
nga:Gazeta Blic

Oferta e fundit që iu dha LDK-së nga Vetëvendosje, e që u bë ditën e premte, parashihet që kabineti qeveritar t’i ketë gjithsejtë 15 ministri.

Sipas kësaj oferte, Vetëvendosje nga 12 ministri sa fillimisht kishte premtuar se do t’i ketë kabineti qeveritar, do të rritet edhe për 3.

”Propozimi i fundit i VV-së për LDK-në parasheh që Qeveria Kurti t’i ketë 15 ministri. 7 do t’i takojnë LDK-së, 5 Vetëvendosjes dhe 3 minoriteteve”, tha ky burim i Gazeta Blic.

Dje Gazeta Blic ka raportuar se Vetëvendosje e ka rritur ofertën me një ministri shtesë në kompensim të postit të kryetarit të Kuvendit.

Siç edhe dihet, pas zgjedhjes së Konjufcës në krye të Kuvendit, Vetëvendosje fillimisht i kishte ofruar LDK-së një ministri shtesë në kompensim të kryetarit të Kuvendit. Mirëpo, të premten kjo ofertë e VV-së është rritur edhe për një ministri shtesë.

Sot, gjatë ditës nënkryetari i LDK-së, Lutfi Haziri e ka pranuar se të premten ka pasur takim ndërmjet dy partive, por pa dhënë detaje të shumta.

Megjithatë, ai indirekt e ka refuzuar ofertën e fundit të Vetëvendosjes, duke insistuar se posti i kryetarit të Kuvendit i takon LDK-së.

Një ndarje e drejtë dhe e balancuar e pushtetit mbi parimet e mirëbesimit do të bënte që programi qeverisës, me VV’në udhëheqëse të Qeverisë e LDK’në udhëheqëse të Parlamentit, do t’i jepnin fuqi koalicionit. Do t’i jepnin mirëbesim dhe shkathtësi për t’u përballur me situatën politike, pasi agjenda politike është jashtëzakonisht e rëndë karshi faktorit ndërkombëtar, karshi opozitës së organizuar, karshi Qeverisë së re”, ka shkruar ai.

Sipas tij, e kaluara në bashkëqeverisje ka dëshmuar qartë se ne jemi gardianë të interesave të kësaj republike përmes LDK’së dhe vetëm përmes LDK’së. Partitë e tjera politike, siç tha Haziri nuk i shohim si armiq, por si rivalë politikë.

“Do të ketë nevojë të punohet 24 orë në ditë e 7 ditë në javë në mënyrë që të kthehet besimi i qytetarëve, mërgimtarëve dhe ndërkombëtarëve në republikë. Apeloj që të kemi edhe pak durim, sepse këto konsultimet e brendshme na mundësojnë që të eliminojmë çdolloj pengese dhe çdolloj bombe të kurdisur të mandatit 4+“, ka shkruar ai.

Ndërkohë zyrtarisht as nga VV as nga LDK nuk kanë dhënë detaje për ofertën e fundit të partisë së Kurtit.

E thotë Lutfi Haziri: Kjo është “formula” përfundimtare për koalicionin me Vetëvendosjen

Deputeti i LDK-së, Fatmir Rexhepi ka theksuar për Gazeta Blic se me çdo kush duhet arritur marrëveshja LDK-VV.

Këto formula rreth marrëveshjes nuk i di dhe nuk mundem të jap vlerësim për to por ajo që mund të them është se dy palët kanë hapësira për ta zgjidh këtë problem dhe për të mos e vonuar më tej. Ma e mira që duhet të bëhej është që nesër ditë e hënë në orën 12 të mbahej një konferencë dhe të thonin u morëm vesh. Formula me të cilën do të merreshin vesh nuk ka rëndësi, e rëndësishme është që të merren vesh të dy palët. Unë besoj që ma e rëndësishme asht marrëveshja e plotë dhe do të ishte mirë që të bëhej nesër, nëse kanë mundësi, ose me e paralajmëru këtë javë, dhe javën e tjetër të mbahej Kuvendi dhe kjo do të ishte më e mira për Kosovën. Ne do të pranojmë çdo marrëveshje për të cilën do të dakordohen të dy grupet tona punuese” ka thënë Rexhepi për Gazeta Blic.

Deputeti i LDK-së deklarohet rreth ofertës së fundit të VV-së: Marrëveshja duhet të arrihet gjatë kësaj jave pavarësisht formulës!

Ndërkohë LDK në ofertën e fundit, kishte kërkuar që posti i kryetarit të Kuvendit t’i kthehej LDK-së, deri në zgjedhjen e presidentit.

Sipas kësaj oferte, në momentin që LDK e merr presidentit, ia kthen VV-së postin e kryetarit të Kuvendit, derisa dikasteret qeveritare do të ndaheshin 5 me 5.

Ekskluzive: Vetëvendosje me ofertë të re për LDK-në, i ofron 7 ministri për ta ruajtur kryetarin e Kuvendit

 

 

09/30/2020 23:38

Haxhiu: Kurti s’kishte guxim të shkojë në Shtëpinë e Bardhë edhe pse kishte ftesë