Ndihmëssekretari Amerikan i Shtetit James O’Brien në një intervistë për Zërin e Amerikës ka folur rreth nje letre që kryeministrja e Serbisë i ka dërguar BE’së. Me të praktikisht Serbia kishte hequr dorë nga marrëveshjet e arritura me Kosovën. Por, O’Brien thotë se varianti që ka hedhur poshtë marrëveshjen është tërhequr.

“Mendoj se varianti i parë i letrës, që hodhi poshtë (marrëveshjen), është tërhequr. Ato që unë shikoj, janë veprimet, njohja de facto. Normalizimi në këto dy komponentë kyçë u bë në muajt e fundit dhe ka diskutime për gjëra tjera që mund të bëhen, nëse punojmë ashtu siç punojnë shtetet moderne evropiane”, ka thënë ai.