Lajme

Një herë e stërmbushi qeverinë me ministra e zëvendësministra, Haradinaj tash pritet të marrë një vendim të ri!

02/19/2019 12:11
nga:M H

Kryeministri i Kosovës, Ramush Haradinaj tha se Ligji për Qeverinë do të bëjë zvogëlimin mekanik të numrit te të zgjedhurve, dhe do të saktësojë përgjegjësitë e secilës ministri dhe zyrtar të saj. Pas takimit me Komisionin për Hartimin e Ligjit për Qeverinë, shefi i ekzekutivit tha se ky është ligji më i rëndësishëm që kanë.

Ramush Haradinaj beson se ligji për qeverinë do të jetë më i miri në rajon.

Sipas tij, i njëjti do të arrijë të rregullojë numrin e të zgjedhurve politik, dhe mënyrën e ndarjes së përgjegjësive.

Haradinaj: Me ligjin për qeverinë saktësojmë përgjegjësinë e secilit

 

“Me këtë ligj ne nuk bëjmë vetëm zvogëlimin mekanik të numrit të të zgjedhurve, por ne bëjmë një hap shumë më përpara, pra saktësojmë përgjegjësinë e secilit mënyrën e marrjes së përgjegjësisë, mënyrën e zbatimit, raportimit, mendojmë që nuk lëmë vakume sa i përket qeverisjes”, tha ai.

Haradinaj para gazetarëve tha se tashmë kanë nxjerr mjaftueshëm mësime se si duhet vepruar tutje me qeverisjen në vend.

Haradinaj: Ligji për qeverinë, jashtëzakonisht i rëndësishëm

 

“Kemi hy tash në një ligj jashtëzakonisht të rëndësishëm, ndoshta edhe më i rëndësishmi nga ato që kemi kaluar, është ligji për qeverinë. Në Kosovë është krijuar një traditë dhe një njohje për qeverisjen, mendoj që tanimë e dimë që edhe kemi nxjerr mësime si duhet vepruar më tutje me qeverisjen në vend. Jam inkurajuar me punën që kanë bërë komisioni dhe besoj që do t’i japim Kosovës ndoshta ligjin më të mirë për qeverinë, që ka rajoni”, tha ai.

Kujtojmë se një nga pesë kushtet e Partisë Socialdemokrate për miratimin e buxhetit për vitin 2019, ishte edhe projektligji për qeverinë, ku ata kërkuan zvogëlimin e numrit të zëvendësministrave.

03/23/2019 11:30

Florenzi nuk po këndellet nga lëndimi, ja sa gjatë do të mungojë