Lajme

Një delegacion i BE-së takohen me Kurtin, interesohen për rrjedhën e bisedimeve me LDK-në

12/04/2019 17:10
nga:B. D

Lëvizja Vetëvendosje (VV) ka njoftuar se sot është zhvilluar një takim me një delegacion nga Bashkimi Evropian, shkruan GazetaBlic.

Në njoftimin e dhënë në Facebook thuhet se në kreu i VV-së, Albin Kurti bashkë me deputetët, Glauk Konjufca dhe Fitore Pacolli, ka pritur në takim një delegacion nga BE-ja, të kryesuar nga Kryetari i Grupit të EPP-së në Parlamentin Evropian, Manfred Weber, i cili ishte i shoqëruar nga nënkryetari i tij dhe deputeti i PE-së, Andrey Kovatchev, asistentja e tij, Nina Tavcar, Shefja e Misionit të BE-së në Kosovë, Natalia Apostolova dhe Zëvendës Shefi i kësaj zyre, Riccardo Serri.

Weber ka uruar Kurtin për fitoren e zgjedhjeve të fundit, po ashtu ai është interesuar për rezultatin e bisedimeve me Lidhjen Demokratike  të Kosovës (LDK) dhe theksoi se rajoni i Ballkanit Perëndimor, ndryshe nga zhvillimet e fundit ku disa shtete shprehën qëndrime të caktuara për hapjen e negociatave është rajon me prioritet të lartë për BE-në.

Ky është njoftimi i plotë:

Kryetari i Lëvizjes VETËVENDOSJE! z. Albin Kurti, së bashku me deputetët z. Glauk Konjufca dhe znj. Fitore Pacolli, priti në takim një delegacion nga BE-ja, të kryesuar nga Kryetari i Grupit të EPP-së në Parlamentin Evropian, z. Manfred Weber, i cili ishte i shoqëruar nga nënkryetari i tij dhe deputeti i PE-së, z. Andrey Kovatchev, asistentja e tij, Nina Tavcar, Shefja e Misionit të BE-së në Kosovë, znj. Natalia Apostolova dhe Zëvendës Shefi i kësaj zyre, z. Riccardo Serri.

Z. Weber e uroi Kryetarin Kurti për fitoren e zgjedhjeve të fundit. Ai u interesua për rezultatin e bisedimeve me Lidhjen Demokratike, dhe theksoi se rajoni i Ballkanit Perëndimor, ndryshe nga zhvillimet e fundit ku disa shtete shprehën qëndrime të caktuara për hapjen e negociatave është rajon me prioritet të lartë për BE-në.

Kryetari Kurti u pajtua me Z. Weber sa i përket integrimit të këtij rajoni në BE, dhe e përsëriti qëndrimin e Lëvizjes VETËVENDOSJE! për nevojën e integrimit të të gjitha shteteve të Ballkanit Perëndimor në të njëjtën kohë dhe sa më parë që të jetë e mundur. Tutje, Kurti e njoftoi atë edhe me prioritetet e qeverisë së re, ku rol qendror ka luftimi i krimit të organizuar dhe korrupsionit të lartë dhe krijimi i vendeve te reja të punës. Me mbështetjen e biznesit të vogël dhe të mesëm dhe me investime nga jashtë e sidomos nga diaspora, me sistemin dual të arsimit që e zvogëlon hendekun e shkathtësive, edhe do ta përparojmë Kosovën përbrenda, edhe do të avansojmë drejt BE-së, tha Kurti.

Në fund të takimit, palët u dakorduan ta vazhdojnë komunikimin dhe bashkëpunimin në të ardhmen.

Kryetari i Lëvizjes VETËVENDOSJE! z. Albin Kurti, së bashku me deputetët z. Glauk Konjufca dhe znj. Fitore Pacolli,…

Publiée par Lëvizja VETËVENDOSJE! sur Mercredi 4 décembre 2019

12/05/2019 15:16

Ambasadori gjerman i shkon në zyre Isa Mustafës, ky i fundit e njofton për marrëveshjen me VV-në