Lajme

Nga e hëna në Belgjikë mbyllen baret dhe restorantet për katër javë, synohet luftimi i valës së dytë të COVID-19

10/17/2020 00:45
nga:Gazeta Blic

Të gjitha baret dhe restorantet në Belgjikë do të mbyllen për katër javë nga e hëna, me qëllim që të luftohet vala e dytë e pandemisë së coronavirusit, ku spitalet janë shumë afër bllokimit për shkak të numrit të madh të infektuarve.

Qeveria belge gjithashtu ka vendosur të aplikojë një lloj orë policore nga ora 12 pas menatës deri në ora 5 të mëngjesit.

“Coronavirusi po infekton vendin tonë në mënyrën më të rëndë. Javët e ardhshme do të jenë të vështira, por ne jemi detyruar të ndërmarrim këto masa për të shmangur më të keqen”, ka deklaruar kryeministri belg Alexander De Croo gjatë një konference për media.

Këto masa do të zgjasin për të paktën katër javë dhe nga 19 tetori do të hyjnë në fuqi, e pas dy javëve do të bëhet një lloj rivlerësimi i situatës pandemike në vend.