Njohësi i çështjeve politike Nexhmedin Spahiu në një prononcim për “Gazeta Blic”ka folur mbi atë se ç’ka pritet të ndodhë në skenë politike në vend pas renies së Qeverisë Kurti.
Spahiu thekson se partive politike në Kosovë nuk ju intereson të shkojnë në zgjedhje pasi Albin Kurti do të fitonte shumicën absolute në Kuvend.
“Unë mendoj se do të krijohet një Qeveri me çfarëdo emri të jetë e mundur dhe kësisioj të vazhdohet deri në zgjedhjet e ardhshme pas tre vitesh ose deri pas zgjedhjes së Presidentit të Kosovës. Nëse shkohet në zgjedhje Lëvizja Vetëvendosje fiton dhe këtë e din të gjitha subjektet politike dhe amerikanët. Për këtë ata nuk janë të interesuar të shkojnë në zgjedhje për t’i dhënë pushtet të plotë. Do të shkohej në zgjedhje vetën nëse Gjykata Kushtetuese do të kishte integritet moral e profesional të cilën kjo Gjykatë nuk e ka dhe prandaj nuk besoj se do të marrë kësi vendimi por do të vendosë atë çfarë u thotë Hashim Thaçi dhe amerikanët” tha shkurt Spahiu për Gazeta Blic
Qeveria e udhëhequr nga Albin Kurti u rrëzua mbrëmë me mocion votëbesimi.
Ky mocion u iniciua nga Lidhja Demokratike e Kosovës dhe u përkrah nga opozita në vend.
Pas këtij mocioni ishte Kryeministri në detyrë Albin Kurti që liroi nga detyra zëvendëskryeministrin Avdullah Hoti duke tensionuar edhe më tej situatën mes këtyre dy partive.
Pas kësaj shkarkimi, erdhi reagimi i Isa Mustafës ku tha se puna e ministrave të LDK-së do të vazhdojë normalisht, nëse këtë e pranon edhe Kryeministrin në detyrë Kurti.
/Gazeta Blic/
Lutfi Hazi deklarohet pas shkarkimit të Avdullah Hotit, ja çfarë thotë për Albin Kurtin
