Sporti

Në Shkup do të ketë policë të Kosovës gjatë ndeshjes së Kombëtares me Maqedoninë

02/13/2020 21:34
nga:Lorik J

Drejtori i Përgjithshëm i Policisë së Kosovës Rashit Qalaj, ka bërë të ditur se do të jenë në Maqedoni për ndeshjen që Kosova do ta zhvillojë në muajin mars në kuadër të play-offit të Nations League.

Qalaj ka shtuar se me Policinë e Maqedonisë është nënshkruar marrëveshje për ndeshjen futbollistike, që këtë lojë ta menaxhojnë së bashku – ai këtë e ka konfirmuar në Rubikon.

Ai thotë se do të dërgojnë policë dhe patrolla të policëve të trafikut dhe ato patrulluese në qytetin e Shkupit ditën kur do të zhvillohet ndeshja.

“Dardanët” do të kërkojnë fitore për të arritur në finale të Nations League, e me pas edhe kualifikimin në Euro 2020.