Kupa e Botës 2022

Në ndeshjen ndaj Meksikës ishte në lot, Pablo Aimar mbrëmë qeshte nga gëzimi për kalimin në finale

12/14/2022 10:44
nga:Mergim Rreci

Imazhet e Pablo Aimar, ndihmës trajneri Lionel Scaloni, duke qarë në pankinën e Argjentinës gjatë ndeshjes me Meksikën bënë xhiron e botës.

Pas humbjes befasuese 1-2 nga Arabia Saudite, Argjentinas iu desh të fitonte dhe Aimar dukej pothuajse pa frymë nga goli i Messit, në minutën e 64-të, duke çliruar kështu të gjithë frikën pas fillimit të gabuar. Vetë Scaloni nuk mundi të fshihte emocionet e tij kur Enzo Fernández shënoi 2-0 në minutën e 87-të, përcjell GazetaBlic Sport.

Emocione që janë në kontrast me fytyrën e djeshme: tashmë në kohën e fundit dhe me fitoren 3-0 të Argjentinës, me Aimar që kapi duart mbi fytyrë, duke fshehur një buzëqeshje për shkak se e dinte se finalja e Kupës së Botës ishte e garantuar.

/GazetaBlic Sport/

Lajme tjera