Lajme

Mustafa përkujton Ismet Rracin

04/24/2019 14:16
nga:A. R.

Në 18 vjetorin e vrasjes së Ismet Rracit, kryetar i Degës së LDK-së dhe i Kuvendit të Komunës së Klinës, kryetari i LDK-së, Isa Mustafa deklaroi se 18 vite më parë Kosova humbi një atdhetar të çmuar dhe të respektuar.

“Ismet Rraci ishte shkrimtar me gjuhë të guximshme e të mprehtë që ngriti zërin kundër mizorëve të kohës së egër të viteve të ’90-ta. Ishte burrë i urtë, intelektual dhe mësues që qëndroi gjithnjë pranë nxënësve të tij dhe qytetarëve të Klinës duke përfshirë edhe periudhën e luftës së lavdishme të Ushtrisë Çlirimtare të Kosovës, të cilën e mbështeti pa asnjë rezervë”, deklaroi Mustafa.

Ai shtoi se presidenti historik Ibrahim Rugova e kishte dënuar vrasjen e Ismet Rracit si të “drejtuar kundër lirisë, pavarësisë, paqes dhe demokracisë së Kosovës”.

Mustafa theksoi se Ismet Rraci gjithnjë do të kujtohet nga Lidhja Demokratike dhe nga të gjithë qytetarët e Kosovës për trimërinë, kontributin dhe atdhedashurinë e pafund.

 

05/24/2019 23:50

Haradinaj takon bizneset e diasporës