Anëtari i Kryesisë së PDK-së, Arben Mustafa, ka vlerësuar se kryeministri Albin Kurti po e rrezikon të ardhmen e Republikës së Kosovës.

Ai ka bërë me dije se kjo duhet të paraqes shqetësim serioz për çdo qytetar.

Në profilin e tij në “Facebook”, Mustafa ka shkruar se Kosova ka përparuar vetëm në saje të partneritetit të besueshëm me aleatët.

“Përveç se ka degraduar standardin e jetesës, Albin Kurti tashmë po e rrezikon seriozisht edhe të ardhmen politike të Republikës së Kosovës! Kjo duhet të paraqes shqetësim serioz për çdo qytetar të këtij vendi! Kosova ka përparuar vetëm në saje të partneritetit të besueshëm me aleatët! Asnjëherë të vetme nuk ka përparuar ndryshe! Tani, hapësirën për bashkërendim me aleatët tanë po i’a lëmë Serbisë, ndërsa neve po na kërkohet ti besojmë “fuqisë” së një njeriu! Kjo gjendje duhet dhe do të ndryshojë shpejtë!”, ka shkruar ai.