Deputetja e Partisë Demokratike të Kosovës, Ganimete Musliu ka rikujtuar kërkesën qe ajo ia bëri para disa muajve ministrit të Shëndetësisë, Arben Vitia ku kërkonte dorëheqjen e tij për shkak të mosvaksinimit të qytetarëve.

Deputetja e PDK-së, Ganimete Musliu pas 5 muajve ka vazhduar përsëri me kërkesën e njëjtë, por që thotë se tani as dorëheqja nuk i kryen punë ministrit Vitia.

“Kjo ishte kërkesa ime para 5 muajve për Arben Vitin, tani është tepër vonë, as dorëheqja s’kryen punë!”, ka shkruar deputetja e PDK-së në Facebook.

Kujtojmë se gjatë ditëve të fundit numri i të infektuarve me COVID-19 dhe numri i viktimave është rritur dhe lidhur me këtë gishti është drejtuar kah ministri Vitia, i cili po akuzohet për keq-menaxhim të situatës.