Lajme

Multi-milioneri i AAK-së – Kjo është pasuria e Pal Lekajt

08/06/2020 15:39
nga:A. R.

Ish-ministri i Infrastrukturës nga radhët e Aleancës për Ardhmërinë e Kosovës, Pal Lekaj, ka deklaruar pasuri totale që kap shifrën e mbi dy milionë eurove, shkruan Gazeta Blic.

Gjithmonë sipas deklarimit në Agjencinë Kundër Korrupsionit, Pal Lekaj, ka deklaruar pasuri të paluajtshme në vlerë prej 1 milion e 860 mijë eurove.

54 mijë euro është vlera e pasurisë së luajtshme të deklaruar nga Lekaj.

Para të gatshme, Lekaj ka thënë se i posedon 14.500 euro.

Ndërsa, ka deklaruar se ka marrë kredi në vlerë prej 75 mijë euro.