Pritja e gjatë po përfundon: Alvaro Morata po shkon drejt një pranimi të ofertës së Milanit.

Komunikimi për klubin kuqezi ka mbërritur mëngjesin e sotëm direkt nga kapiteni i Spanjës, kampionit të ri të Evropës pas suksesit në finale ndaj Anglisë. Qendërsulmuesi është gati të largohet nga Atletico Madrid dhe të udhëheqë epokën e re të kuqezinjve me Paulo Fonseca.

Alvaro Morata pra po kthehet në Itali dhe është gati të nënshkruajë një kontratë katërvjeçare (me opsion për të pestën) me Milanin për rreth 5.5 milionë euro në sezon, përfshirë bonuset.

Klubi kuqezi do të paguajë në arkat e Atletico Madrid 13 milionë plus taksat e parashikuara nga klauzola e përfundimit. Një lëvizje e dëshiruar fort nga Zlatan Ibrahimovic, i cili doli personalisht në fushë për të bindur kampionin e Evropës të përqafonte projektin teknik të kuqezinjve.

/GazetaBlic Sport