Lajme

Ministri Bytyqi dhe ambasadori Delawie diskutojnë dhe i përkrahin reformat e MAShT

08/15/2018 18:44
nga:A. R.

Ministri i Arsimit, Shkencës dhe Teknologjisë, Shyqiri Bytyqi, sot ka pritur në takim Ambasadorin e Shteteve të Bashkuara të Amerikës, Greg Delawie, me të cilin ka biseduar për sistemin arsimor në Kosovë.

Ministri Bytyqi fillimisht ka falënderuar Ambasadorin amerikan në Kosovë, Greg Delawie, për takimin e sotëm dhe e ka njoftuar për gjendjen e përgjithshme në sistemin arsimor dhe në MAShT.

Gjithashtu, ministri Bytyqi gjatë këtij takimi ka diskutuar për hapat e ndërmarra deri më tani në funksion të përmirësimit të sistemit arsimor, të gjendjes në Ministri, si dhe për vështirësitë nëpër të cilat po kalojmë, por edhe për vendosmërinë për t’i lëvizur gjërat përpara.

Ambasadori i SHBA-ve në Kosovë, Greg Delawie, tha se është i inkurajuar që MASHT ka identifikuar reformat që duhet të bëhen për të përmirësuar sektorin arsimor të Kosovës, përfshirë edhe brenda Ministrisë. Qeveria/Ambasada e SHBA-ve do të donin të shohin që MASHT dhe Qeveria e Kosovës kanë zbatuar reforma të qëndrueshme sepse rinia e Kosovës meriton më mirë.

Në fund të takimit gjitha palët u dakorduan për rëndësinë e reformave si dhe për nevojën e depolitizimit të sistemit arsimor në vend.

11/04/2019 15:50

Studentët e Fakultetit të Edukimit paralajmërojnë protesta para MASHT dhe Rektoratit të UP