Leo Messi është shprehur shumë i lumtur për kalimin në finalen e madhe të Kampionatit Botëror.

Kombëtarja e Argjentinës ka fituar ndeshjen ndaj Kroacisë në gjysmëfinale të Kupës së Botës 2022 me rezultatin 3-0, për të kaluar në finalen e madhe, përcjell GazetaBlic Sport.

Pas ndeshjes, Messi tha se ekipi është në formë dhe po japin gjithçka nga vetja për të arrritur maksimumin.

“Ne e dinim se nuk ishin favoritët kryesorë, por nuk do t’i dhuronim askujt asgjë. Ne e treguam atë ndeshje pas ndeshje”, tha fillimisht Messi për mediat ndërkombëtare.

“Kemi kaluar situata të vështira, të tjera shumë të mira. Sot, ne po jetojmë diçka spektakolare. Po e shijoj me të gjithë këta njerëz dhe me të gjithë argjentinasit që janë në vendin tonë. Mendoj se duhet të jetë e çmendur.”

“Nuk e di nëse është Botërori im më i mirë apo jo. Unë e kam shijuar shumë këtë për një kohë të gjatë. Ne ishim të sigurt se ky grup do ta arrinte atë. Ne e dimë se çfarë jemi dhe kërkojmë njerëzit që besojnë tek ne”, përfundoi ai.

/GazetaBlic Sport