Trajneri i Real Madridit, Carlo Ancelotti, ka zbuluar detaje rreth gjendjes së qendërmbrojtësit David Alaba.

Austriaku ka më shumë se një vit jashtë fushës pas këputjes së ligamenteve në ndeshjen kundër Villarrealit më 17 dhjetor 2023 dhe së fundmi ka rifilluar stërvitjet.

“Alaba ka filluar të stërvitet me ne. Kur ai të kthehet, ne do të kemi mundësinë të ndryshojmë mbrojtjen, ku kemi vuajtur më shumë. Ai do të mund të luajë pas 20 janarit,” zbuloi Ancelotti.

Real Madrid luan në shtëpi kundër Salzburgut më 22 janar dhe tre ditë më vonë viziton Valladolidin.

/GazetaBlic Sport/