SHBA-ja ka finalizuar tërheqjen nga Organizata Botërore e Shëndetësisë, një vit pasi presidenti Donald Trump njoftoi se Amerika po i jepte fund angazhimit të saj 78-vjeçar, thanë zyrtarët federalë.

Por vështirë se mund të quhet një ndarje e plotë.

Amerika i detyrohet rreth 280 milionë dollarë agjencisë globale të shëndetësisë, sipas OBSH-së.

Dhe zyrtarët e administratës Trump pranojnë se nuk kanë përfunduar së zgjidhuri disa çështje, siç është humbja e aksesit në të dhëna nga vendet e tjera që mund t’i jepnin Amerikës një paralajmërim të hershëm për një pandemi të re.

Tërheqja do të dëmtojë reagimin global ndaj shpërthimeve të reja dhe do të pengojë aftësinë e shkencëtarëve dhe kompanive farmaceutike amerikane për të zhvilluar vaksina dhe ilaçe kundër kërcënimeve të reja, tha Lawrence Gostin, një ekspert i ligjit të shëndetit publik në Universitetin Georgetown.

“Sipas mendimit tim, është vendimi më shkatërrues presidencial në jetën time,” tha ai, raporton Associated Press.