Deputetja e LDK-së, jehona Lushaku, ka thënë se Kurti ka dëshmuar se  ishte përçarësi më i madh politik në hapësirën mbarëshqiptare, raporton Gazeta Blic.

Ajo përmes një postimi në Facebook, ka thënë se tani kur ai nuk po arrin ta konsolidojë shumicën, nga akuzat e djeshme, ka kaluar te oferta për bashkëpunim.

Këtë ajo q ka quajtur qasje të padenjë për demokracinë dhe të dëmshme për kulturën politike dhe përfaqësimin e qytetarëve.

Postimi i saj i plotë:

Albin Kurti ka dëshmuar se ishte përçarësi më i madh politik në hapësirën mbarëshqiptare. Qasja e tij arrogante dhe përjashtuese ka dëmtuar komunikimet normale politike ndërpartiake në vend.

Tani, kur si parti fituese nuk arrinë të konsolidojë shumicën dhe kur edhe komunitetet jo-shumicë kanë ndalur bashkëpunimin, Albin Kurti përsëri zgjodhi të akuzojë partitë opozitare pse, sipas tij, nuk e ndaluan ndikimin serb në politikën e vendit.

E paskrupullt ishte kjo përpjekje për të shpallur fajtorë, për t’i përçarë e etiketuar të gjithë të tjerët, veç VV-së.

Nga akuzat e djeshme, te oferta për tu takuar sot për bashkëpunim, kjo qasje është e padenjë për demokracinë, e dëmshme për kulturën politike dhe përfaqësimin e qytetarëve.