Shqipëria do të mësojë fatin e saj në Euro 2024 në ndeshjen e fundit të xhiros së tretë që do të jetë determinuese për kalimin tutje ndaj Spanjës.

Kuqezinjtë kanë arkëtuar një pikë aq sa ka edhe Kroacia në vendin e fundit që do të përballet me Italinë që ka 3 pikë në vendin e dytë, shkruan GazetaBlic Sport.

Për ndeshjen ndaj Shqipërisë që luhet të hënën ka folur trajneri i Spanjës De La Fuente.

Trajneri Luis De La Funte tha se do t’i japë mundësinë lojtarëve të stolit të luajnë me Shqipërinë, por duke kërkuar maksimumin.

“Do t’i jap mundësinë disa lojtarëve të tjerë që nuk janë aktivizuar të tregojnë që janë aq të zotë sa ata që po luajnë. Do të përpiqemi t’i lemë pushim dhe t’i japim hakun atij që e tregon edhe në stërvitje. Por do të hedhim në fushë një skuadër shumë fortë dhe të niveli të lartë.”