Lajme

Lladrovci: Pres nga PDK-ja që ti largojë nga lista kandidatët e dënuar dhe ata të akuzuar për korrupsion

01/14/2021 13:14
nga:Y I

Kryetari i komunës së Drenasit, Ramiz Lladrovci, thotë se pret nga PDK-ja të mos përfshijë në listat zgjedhore personat e dënuar dhe ato të akuzuar për korrupsion, raporton Gazeta Blic.

Lladrovci në shkrimin e tij thekson se besueshmëria ndaj Listës së kandidatëve të PDK-së, duhet të jetë argument se jo të dënuarit, por as të akuzuarit nuk mund ta kërkojnë besimin e qytetarit.

“Nga PDK-ja, sipas praktikës së instaluar për herë të parë në Kosovë nga z. Kadri Veseli, pres që sërish të mënjanojë nga lista zgjedhore për Parlament, jo vetëm kandidatët e dënuar, por edhe kandidatët e akuzuar për korrupsion” shkruan Lladrovci në Facebook.

Postimi i plotë:

Nga PDK-ja, sipas praktikës së instaluar për herë të parë në Kosovë nga z. Kadri Veseli, pres që sërish të mënjanojë nga lista zgjedhore për Parlament, jo vetëm kandidatët e dënuar, por edhe kandidatët e akuzuar për korrupsion.
Besueshmëria ndaj Listës së kandidatëve të PDK-së, duhet të jetë argument se jo të dënuarit, por as të akuzuarit nuk mund ta kërkojnë besimin e qytetarit.
Përfundimisht, të dihet se tradita e mirë e PDK-së po vazhdon!