Oleksandr Usyk dhe Daniel Dubois do të përballen të shtunën, më 19 korrik, dhe fituesi do të bëhet kampioni i padiskutueshëm i botës në boks në peshat e rënda.

Dy boksierët përballen në stadiumin Wembley, ku Usyk mban titujt WBA, WBC, WBO dhe Ring Magazine, ndërsa Dubois është kampioni i IBF, transmeton GazetaBlic Sport.

Dubois po përpiqet t’i japë fund rekordit të pamposhtur të Usyk dhe do të bëhej kampioni i parë britanik i padiskutueshëm në peshën e rëndë që nga Lennox Lewis në vitin 1999.

Pikërisht, Lennox Lewis ka thënë fjalë të mëdha për boksierin ukrainas para këtij meçi, duke e vlerësuar atë maksimalisht të shkëlqyeshëm.

“Oleksandr Usyk është një luftëtar i shkëlqyer, ai ka një inteligjencë të shkëlqyer boksi dhe e meriton të jetë aty ku është tani”, tha Lewis për BoxingScene dhe gazetarë të tjerë.

Në vetëm 23 ndeshje profesionale në të cilat askush nuk ka gjetur një mënyrë për ta mposhtur ukrainasin, Usyk ka hartuar një argument të fortë se ai është një nga më të mirët në histori. Lewis është dakord për këtë gjë

“Ai është padyshim në të njëjtin grup me Muhammad Aliun, mua, të gjithë luftëtarët e mëdhenj”, tha ai.

/GazetaBlic Sport/