Lajme

LDK kërkon debat parlamentar për aksidentet në trafik

03/19/2019 14:22
nga:A. R.

Grupi Parlamentar i LDK-së ka dorëzuar sot kërkesën për debat parlamentar lidhur me aksidentet në trafik.

Ky subjekt politik thekson në një njoftim për media se rritja e numrit të aksidenteve në komunikacion që përfundojnë shumë shpesh me vdekje, lëndime të rënda trupore dhe dëme të mëdha materiale, janë bërë dukuri shumë shqetësuese.

“Kontrollimi dhe monitorimi i gjendjes teknike të automjeteve që qarkullojnë në rrugët e vendit tonë, bazuar në numrin në rritje të aksidenteve, është dëshmi se nuk po bëhet konform ligjeve të miratuara”.

Grupi parlamentar i LDK-së potencon se “ka dorëzuar sot kërkesën për debat parlamentar në të cilin do të debatohet lidhur me aksidentet në komunikacion që po përfundojnë me vdekje, lëndime të rënda trupore dhe dëme materiale, mos respektimin e ligjeve të miratuara që rregullojnë fushën e qarkullimit në komunikacion, gjendjen teknike të automjeteve dhe trajnimin e shoferëve rinj”.

04/20/2019 10:24

Ky është numri i saktë i grave/fëmijëve që u kthyen mbrëmë nga Siria në Kosovë – 4 u arresuan