Ylli i Interit, Lautaro Martinez ka komentuar rekordin që ai vendosi në fitoren 2-0 ndaj Feyenoord. Argjentinasi u bë golashënuesi më i mirë i Nerazzurrëve në Champions League me 18 gola.

Ai ka deklaruar se dëshiron ta përfundojë karrierën në Giuseppe Meazza, përcjell GazetaBlic Sport.

“Rekordi? Ky është një burim krenarie. Nuk mund ta imagjinoja. U djersita dhe punova shumë. Kushdo që më njeh e di se çfarë kam kaluar. Gjithë kjo sakrificë dhe puna që nuk mbaron këtu… Dua më shumë. Nuk do ta kisha arritur pa shokët e skuadrës dhe familjen”, tha ai.

“A do të doja të luaja gjithë karrierën time në Inter? Sigurisht, por varet nga shumë gjëra. Unë jam i lumtur këtu. Rinovova kontratën time në verë dhe vendosa të qëndroj. Çdo ditë zgjohem duke dashur të jem në fushë. Edhe familja ime është e lumtur këtu”, shtoi Lautaro Martinez.

/GazetaBlic Sport