Kylian Mbappe është bërë futbollisti më i paguar në historinë e Real Madridit, shkruan “Marca”. Paga për sezon e 25-vjeçarit francez do të jetë 15 milionë euro pas taksave.

Në pesë kampionatet e ardhshme, sulmuesi do të marrë në total nga 100 deri në 115 milionë euro, me shumën e saktë të bonuseve në varësi të performancës së Mbappes, transmeton GazetaBlic Sport.

Ka gjithashtu bonuse shtesë për golashënuesin më të mirë në rast të fitimit të Topit të Artë ose në triumfimin e tre ose më shumë kupave me Real Madridin brenda një sezoni të vetëm.

Kylian Mbappe do të mbajë midis 60 dhe 80 për qind të të drejtave të tij të imazhit, pavarësisht lëvizjes së tij në 15 herë kampionët e klubeve evropiane.

Real Madridi njoftoi transferimin e Mbappes më 3 qershor. Francezi nënshkroi kontratë me klubin nga kryeqyteti spanjoll deri në verën e vitit 2029.

Të martën, francezi u prezantua zyrtarisht para mediave dhe fansave në Madrid.

/GazetaBlic Sport.