Lajme

“Koronavirusi lindi në një laborator ushtarak, ja si u përhap”

01/26/2020 20:47
nga:B. D

Drejtori i italianes “Tgcom24”, Paolo Liguori, ka deklaruar se një burim shumë i besueshëm i ka bërë me dije se koronavirusi ka dalë nga një laborator në Wuhan ku realizohen eksperimente ushtarake.

“Kam marrë informacion nga një burim shumë i besueshëm se gjithçka ka lindur nga një laborator në Wuhan, ku studiohen virusët më të rrezikshëm në botë. Në vitet e fundit, ky laborator ka nisur edhe eksperimente ushtarake, që janë shumë sekrete. Një nga teknikët, në fillim të dhjetorit, është prekur nga virusi. Nuk është kuptuar kjo gjë dhe nga aty është përhapur”, tha Liguori.

“Pra, virusi ka ardhur nga një laborator i Wuhanit, ku bëheshin eksperimente të modifikimit të SARS-it për qëllime ushtarake. SHBA, Kina dhe Rusia bëjnë të tilla eksperimente në rast se do i duhen armë biologjike në një luftë të mundshme”, shtoi drejtori i “Tgcom24”.

Sipas burimeve të tij, janë mijëra persona të vdekur nga ky virus, por autoritete kineze thonë se janë vetëm 56 viktima.

“Kinezët janë munduar ta minimizojnë shifrën, por situata është e rëndë dhe e vështirë. Janë skenarë filmash, një virus që del nga kontrolli dhe shkakton dëme të shumta”, u shpreh Liguori.

09/15/2020 15:07

​A mund të veprojë koronavirusi drejtpërdrejt në tru?