Lajme

Kjo është koha kur pritet certifikimi i rezultateve

10/16/2019 19:16
nga:Gazeta Blic

Në pritje të certifikimit të rezultateve të zgjedhjeve janë partitë që garuan në zgjedhjet e 6 tetorit

Por, Lëvizja Vetëvendosje dhe Lidhja Demokratike e Kosovës, po presin certifikimin për ta konkretizuar koalicionin e tyre paszgjedhor, raporton KTV.

Megjithatë, këto dy subjekte do të duhet të presin edhe disa ditë, derisa ky proces të kompletohet.

Sipas zëdhënësit të KQZ-së, Valmir Elezi, certifikimi i rezultateve pritet të bëhet në fillim të muajit nëntor.

Elezi nuk ka treguar nëse hetimet që janë duke u bërë për votat e ardhura nga Serbia do të ndikojnë në certifikimin e rezultateve.

Nga objekti ku ishin së bashku me votat e ardhura nga Serbia, ato nga diaspora, të hënën janë zhvendosur në QNR, e numërimi i tyre ka filluar këtë të mërkurë.

Sipas koordinatorit të Qendrës së Numërimit dhe Rezultateve, Burim Ahmetaj, procesi i numërimit të votave nga jashtë Kosovës do të përfundojë gjatë ditës së enjte, kurse i atyre me kusht dhe të personave me nevoja të veçanta, javën tjetër.

Ndërkohë, nga votat e numëruara, deri më tash, prin Lëvizja Vetëvendosje.

Nga 16 mijë e 189 pako me fletëvotime të ardhura nga diaspora, 13 mijë e 491 janë aprovuar, derisa 2 mijë e 698 janë refuzuar.

Ndërsa mbrëmë rreth orës 22:00 ka përfunduar procesi i rinumërimit të kutive të votave nga 314 vendvotime.

11/19/2019 15:28

Haradinaj: Nuk është koha për zgjedhje të reja, duhet të implementohet rezultati i tanishëm