Këngëtarja shqiptare me famë botërore, Dua Lipa, është nderuar nga Këshilli i Atlantikut me Çmimin për Udhëheqësi të Dalluar Artistike.
Në faqen zyrtare të Këshillit të Atlantikut thuhet se Lipa është nderuar për zotimin e saj për një varg kauzash së filantropisë, përfshirë fuqizimin e gjeneratës së ardhshme të udhëheqësve e muzikantëve të Ballkanit.
“Wouldn’t it be fitting if Kosovo could take its place within that peaceful union, thrive economically alongside our neighbors, and heal the hurt of conflict? With that vision in mind, I accept this award with gratitude for all the young people of Kosovo.” – @DUALIPA #ACawards pic.twitter.com/TCyT1B9Vzp
— Atlantic Council (@AtlanticCouncil) November 11, 2021
Në mesin e presidentes së Kosovës, Vjosa Osmani, presidentes së Komisionit Evropian Ursula von der Leye, shefit të Pfizer, Albert Bourla, së bashku me bashkëthemeluesit e BioNTech, Özlem Türeci dhe Ugur Sahin, Dua Lipa foli për atdheun dhe tha se e pranon çmimin me mirënjohje për të gjithë të rinjtë e Kosovës.
Me rastin e ndarjes së çmimeve, Këshilli Atlantik thekson mes tjerash se këngëtarja Dua Lipa e pikturoi vendlindjen e prindërve të saj si një qendër kulturore.
“E nderuar për përpjekjet e saj për të ndihmuar Kosovën përmes Fondacionit të saj Sunny Hill, i cili synon të përmirësojë cilësinë e jetës në kombin e ri, këngëtarja me origjinë shqiptare e pikturoi vendlindjen e prindërve të saj si një qendër kulturore të lulëzuar ‘duke shpërthyer me kreativitet”.
Megjithatë, siç thonë më tej në këtë këshill “plagët e luftës mbeten të dukshme dhe madje edhe brezi i ri lufton për të kapur mundësitë për t’u rritur, për të punuar dhe për të udhëtuar”.
Në këtë ngjarje foli edhe këngëtarja me famë botërore Dua Lipa e cila tha se “ne kemi vetëm 13 vjet të pavarur në rrugëtimin tonë të pavarësisë dhe si pjesë e një komuniteti të fortë ndërkombëtar, ne do të lulëzojmë emocionalisht. Ne do të lulëzojmë ekonomikisht dhe kulturalisht”, tha ajo. “Është në gjenet tona”.
“A nuk do të ishte e përshtatshme nëse Kosova do të mund të zinte vendin e saj brenda atij bashkimi paqësor, të lulëzonte ekonomikisht përkrah fqinjëve tanë dhe të shëronte dhimbjen e konfliktit? Me këtë vizion në mendje, unë e pranoj këtë çmim me mirënjohje për të gjithë të rinjtë e Kosovës”, ka thënë Dua Lipa.
Closing out the @AtlanticCouncil’s 2021 Distinguished Leadership Awards is #Kosovo President @VjosaOsmaniPRKS. “Kosovo is a nation full of restless spirits – bright, brilliant and ambitious minds who see their future at the heart of the European Union.” #ACawards pic.twitter.com/pHIGqJ3cSI
— Atlantic Council (@AtlanticCouncil) November 11, 2021
