Lajme

Kelmendi: Albin Kurti po ndryshon, por jo edhe disa militantë të Vetëvendosjes

02/29/2020 23:13
nga:Gazeta Blic

Gazetari dhe publicisti Adriatik Kelmendi ka qenë i ftuar në “Personale” me Krenare Vokshi-Shala në RTV Dukagjini.

Kelmendi ka folur për zhvillimet e fundit politike në vend dhe më gjerë.

Gazetari thotë se nëse Kurti do të kishte një qasje siç e ka tani ndaj politikës edhe më parë do të vinte në pushtet shumë më herët.

“Kur ndryshoi zoti Kurti ai fitoi votat dhe u bë kryeministër. Ajo çfarë po ndodh është se nuk po mund të ndryshojnë disa militantë të Lëvizjes Vetëvendosje me hapat e shpejt si po ndryshon Kurti. Ky version i Kurtit është më i pranueshëm se që ishte para pesë apo dhjetë viteve”.

Kelmendi thotë se Kurti është mirë që tashmë e ka kuptuar rolin e LDK-së por edhe se Lista Serbe nuk mund të largohet nga qeveria.

“Lista Serbe është një realitet i yni kushtetues dhe nuk mund ta shmangësh”.

Publicisti thotë se Kosova me këto ndryshime politike është shembull i mirë në Ballkan se megjithatë këtu dëgjohet zëri i qytetarëve.

“U tregua se në Kosovë me votë mund të ndëshkohet qeveria”, tha Kelmendi.

Muhaxheri: Albin, Kosova nuk ta ka borxh për me ia prish marrëdhëniet me SHBA-të

08/08/2020 00:34

Kelmendi: Para një viti VV e LDK betoheshin kurrë me PDK, e sot “Beso se Erdhi Dita” që të dyja e duan PDK-në