Sonte ekipi basketbollistik i Pejës, e pret Vllazninë e Shkodrës, takim që zhvillohet në ora 19:00, në sallën “Karagaçi”.

Këto dy skuadra kanë zhvilluar nga një ndeshje në këtë edicion në BIBL, ku pejanët kanë një fitore, derisa skuadra nga Shkodra ka pësuar humbje në xhiron e parë.

Peja është rikthyer në Ligën Ballkanike, derisa synojnë të kenë një edicion sa më të suksesshëm në këtë garë.

Verdhezinjtë kanë ambicie të larta në këtë edicion, derisa u kthyen  në elitën e basketbollit pas një viti mungese.

Ndeshja e sotme pritet të jetë shumë interesante, derisa për Pejën pritet të kthehet edhe Drilon Hajrizi nga lëndimi.