Lajme

“Karriget në kuvende zgjedhore tregojnë se në LDK ka garë”

06/26/2019 00:05
nga:Gazeta Blic

Deputetja e LDK-së, Hykmete Bajrami, ka thënë se nuk e se pse po ndodhin incidentet në kuadër të zgjedhjeve të brendshme të partisë.

“Ndoshta kjo është arsyeja pse në LDK ka garë. Jemi partia e vetme ku ka garë, ku për secilën pozitë ka kundërkandidat. Në partitë e tjera nuk ka zgjedhje, ka vetëm emërime”, ka thënë Bajrami.

Ajo ka thënë se konfliktet po nxiten nga subjektet e huaja.

“Duke parë edhe sondazhet, dhe duke qenë të bindur edhe oponentët e LDK-së që do të jetë bindshëm partia e parë, natyrisht që synojnë të ndërhyjnë ta prishin. LDK-ja është parti e madhe, dhe ka vend për të gjithë. Ndoshta të gjithë nuk do të jenë në Kryesi të partisë, e delegatë, por ka vend për të gjithë”, ka thënë Bajrami.

Ajo ka thënë se nuk pret që këto incidente të reflektojnë në Kuvendin e Përgjithshëm.

“Nuk e besoj, sepse jemi të bindur se këto incidente janë të nxitura prej njerëzve nga jashtë. Nuk i frikohemi Kuvendit zgjedhor, sepse jemi të bindur se do të shkojë mirë”, ka thënë Bajrami.