Ushtria izraelite ka konfirmuar ushtarin e parë izraelit të vrarë në Liban.

Ai është Eitan Oster, 22 vjeç. Një komandant skuadre në Brigadën Komando të Forcave të Mbrojtjes të Izraelit “vdiq gjatë luftimit”, sipas një deklarate nga IDF.

Hezbollahu tha se më herët ishte përleshur me forcat izraelite brenda jugut të Libanit. IDF nuk tha se ku në Liban u vra ushtari.

Forcat izraelite dhe luftëtarët e Hezbollahut janë angazhuar në luftime në terren në Libanin jugor.

Zëdhënësi i Hezbollahut, Mohamed Afif, u tha gazetarëve në Bejrut se grupi i mbështetur nga Irani u përlesh me forcat izraelite në Aadeyseh. Në një deklaratë të veçantë ai tha se përleshjet po vazhdojnë me ushtarët izraelitë në fshatin jugor të Libanit, Maroun Al-Ras.

/Top Channel/