Lajme

IKSHP përsërit se në Kosovë nuk ka koronavirus

03/01/2020 21:27
nga:E Sh

Instituti i Shëndetësisë Publike në Kosovë ka ripërsëritur se në Kosovë nuk ka asnjë rast me koronavirus.

Përmes një komunikate për media ky institutit njofton se nga data 08.02 deri me 01.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 33 mostra të dyshimta në virusin SARS-CoV-2 dhe të gjitha kanë rezultuar negative.

Sipas tyre, nga data 01.02.2020 deri me 01.03.2020 nga aeroporti ndërkombëtar “Adem Jashari” si dhe pikat tokësore kufitare janë depistuar gjithsej 1.223 udhëtarë.

“Nga Aeroporti “Adem Jashari” 322 udhëtarë, Vërmicë 367, Merdare 461, Hani i Elezit 22, Dheu i bardhë 37, Kullë 7 dhe Qafë Morinë 7 udhëtarë”, thuhet në njoftim.

IKSHP njofton se me datë 01.03.2020, në aeroportin ndërkombëtar “Adem Jashari” ekipet mjekësore të Aeroportit bashkë me QKMF- Obiliq, Inspektoratin Sanitar të Agjensionit të Ushqimit dhe Veterinës të mbështetur nga ekipi i Institutit Kombëtar të Shëndetësisë Publike të Kosovës kanë kontrolluar të gjithë udhëtarët e ardhur sonte nga Verona e Italisë, sipas protokolleve të OBSH-së dhe ECDC dhe te asnjeri nuk janë gjetur shenja klinike të sëmundjes.

05/23/2020 00:15

“Virusi nuk po tallet”: Halil Matoshi i reagon ashpër IKSHP-së, “kur shkenca tallet me ne, tu shkru hartime”