Lajme

Humbin jetë dy të rinj shqiptarë pas zjarrit në një banesë në Belgjikë

02/11/2019 11:06
nga:L H

Ditën e premte një zjarr i rënë në zonën e Dilbeek në Bruksel i mori jetën dy të rinjve shqiptarë.

Mësohet se viktima mbetën Pelivan Hysaj nga Berati, 24 vjeç dhe 23 vjeçari Venedik Pirushi nga Durrësi.

Alain Habils, zëdhënës i zjarrfikësve në zonën Flemish Brabant West tha se viktimat janë me origjinë shqiptare.

Shkaku i incidentit ende nuk dihet.

“Është një ndërtesë e ndarë në tri banesa, kur zjarrfikësja e parë mbërriti në vendin e ngjarjes disa minuta pas telefonatës, flakët ishin përhapur gjithëandej.

Dy banesat e tjera të ndërtesës nuk u dëmtuan”, tha Segers për mediat vendase.