Lajme

Hoxhaj: Isa Mustafa i facebookut nuk është i vërteti, po e mbronë Hotin nga kompromiset ku e ka futur vendin

09/17/2020 18:43
nga:Sh Xh

Evner Hoxhaj i PDK-së përmes një postimi në facebook tha se Isa Mustafa i facebookur dhe i politikës dallojnë, sipas tij ky i rrjeteve sociale nuk është i vërteti, raporton Gazeta Blic.

Ai tha se Mustafa nuk duhet të fyejë dhe të thotë të pavërteta kur u morr me fjalimin e tij në kuvend.

Hoxhaj tha se këtë reagim e sheh për ta mbrojtur qeverinë dhe Hotin nga kompromiset ku e kanë futur vendin.

Ky është postimi i tij i plotë:

Isa Mustafa i Facebookut, është tjetër nga Isa Mustafa i politikës që ne e njohim. Ky i rrjeteve sociale duket se nuk është i vërteti.

Në një postim sot, qenka marrë me fjalën time në Kuvendin e Kosovës, lidhur me Asociacionin e komunave me shumicë serbe. Dhe mirë ka bërë, por jo duke fyer e thënë të pavërteta!

Z. Mustafa, meqë pretendoni se jeni akademik, dhe merrni vesh nga dokumentet zyrtare, po përpiqem të ju sqaroj ne atë nivel, se bazuar në Ligjin për Marrëveshjet Ndërkombëtare, ju keni pasur të drejtën e kryerjes së të gjitha vendimeve që lidhen me marrëveshjet ndërkombëtare të Republikës së Kosovës, në pajtim me Kushtetutën dhe Konventën e Vjenës për të Drejtën e Traktateve. Prandaj, marrëveshja për jetësimin praktik të Asociacionit të komunave me shumicë serbe, është bërë me nënshkrimin tuaj në vitin 2015 – dhe me atë nënshkrim ka marrë fuqi akti juridik. Ju e dini, se mbi këtë bazë është trajtuar marrëveshja edhe nga Gjykata Kushtetuese.

Me të drejtë, edhe ekspertët kushtetues e kanë konstatuar se Marrëveshja e Parimeve të Përgjithshme është trajtuar si “akt juridik i miratuar nga Kryeministri i Republikës së Kosovës”. Pra, Referimi i Parimeve në procesin e vlerësimit të kushtetutshmërisë në gjykatë është trajtuar si “akt ligjor i miratuar nga Kryeministri i atëhershëmm Isa Mustafa”.

Me vjen keq, por z. Mustafa, faktet janë kokëforta. Frika ime dhe e qytetarëve të Kosovës këto ditë po rritet pikërisht nga përpjekja e juaj dhe e qeverisë Hoti për ta larguar çdo përgjegjësi nga Asociacioni. Si funksionar politikë, nuk duhet t’i ikni përgjegjësisë nëse vertetë mendoni se e keni bërë më të mirën për Kosovën. Situata të ngjashme, besoj ju kujtohet, kemi pasur edhe së bashku në qeveri, e veçmas për demarkacionin.

Reagimi i juaj më duket sot më shumë për ta mbrojtur këtë qeveri dhe kryeministrin Hoti nga kompromiset ku e kanë futur vendin, se sa vendimin tuaj me 2015. Edhe pse çdo herë ju kam respektuar dhe vlerësuar, z. Mustafa, unë nuk e kam në plan të bëj kompromise me të vërtetën, vetëm se kjo nuk të pëlqen ty.

Isa Mustafa i Facebookut, është tjetër nga Isa Mustafa i politikës që ne e njohim. Ky i rrjeteve sociale duket se nuk…

Publiée par Enver Hoxhaj sur Jeudi 17 septembre 2020

Isa Mustafa e quan gënjeshtar Enver Hoxhajn e PDK-së: Hashim Thaçi e ka negociuar Asociacionin

09/30/2020 19:10

Hoxhaj: Qeveria ka filluar e lodhët dhe ashtu po vazhdon