Lajme

Hoti: PDK bëri fushatë me hile, Xhemajlaj do jetë kryetari

12/05/2016 18:19
nga:Gazeta Blic

Enver Hoti nga radhët e Nisma për Kosovën, ka thënë se fushata zgjedhore e Partisë Demokratike të Kosovës për zgjedhjet për Kryetar Drenasi, ka qenë fushatë e pakrip dhe e pavërtetë.

Këto komente Hoti i bëri gjatë debatit televiziv në Info Magazine të Klan Kosovës, duke shtuar se premtimi i bërë nga PDK, për investime në Drenas me vlerë prej 70 milionë eurosh, është i pavërtetë.

”Ne duhet të jemi real në atë cfarë e themi”.

”PDK ka bërë një fushatë të pavërtetë, fushatë me hile”.

”Nuk ka gjë më të keqe për Drenasin se sa premtimi prej 70 milionë eurosh për investime”.

”Premtimet e PDK-së për Drenasin janë irrituese për qytetarët e saj”.

”Kjo ka qenë një fushatë e pavërtetë dhe e pakrip”.

”A ka një të pavërtetë më të madhe se t’u thuash qytetarëve e të luash me ndjenjën e qytetarëve duke iu thënë se po e votuat Jakup Krasniqin jeni kundër Drenicës”.

”Premtimet e tyre janë një gjellë e pakrip që nuk e hanë qytetari i Drenasit”.

”Ne jemi të bindur që Isa Xhemajlaj do të fitojë së bashku me ata që e duan ndryshimin” është shprehur Hoti në Info Magazine, njofton Klan Kosova.

12/04/2019 18:33

Mblidhet PDK-ja, diskutohet për krijimin e institucioneve të reja