Showtime

“Heq dorë” nga faqja e Facebook-ut- Rama, tani me “TikTok”

05/23/2020 14:46
nga:Y I

Karantina ka bërë që njerëzit të fokusohen te teknologjia më shumë se kurrë më parë. Edhe kryeministri Edi Rama, ka gjetur një hobi të ri, ku mesa duket kalon kohën e tij të lirë, kur nuk është duke drejtuar qeverinë.

Rama, i është përkushtuar aplikacionit që po bën namin për momentin dhe që quhet “Tik Tok”, ku edhe sheh video për të qeshur. Mirëpo edhe në aplikacionin që është i mbipopulluar nga mosha e re, e ndjek politika dhe i del para kryedemokrati Lulzim Basha.

Një vajze ka postuar një video, ku ka montuar zërin e Bashës tek figura e saj teksa thotë lapsusin e tij në Kuvend me llogaritjen:

“Për 7 vjet, nga 7 milionë dollarë, 7 x 7 janë 42 milionë. 49 më falni. Qeshni, qeshni! U shkritë ju, u shkritë, se për ju janë patate këto”.

Mesa duket videoja ka bërë edhe Ramën të qeshë, aq saqë se ka mbajtur dot për vete dhe e ka shpërndarë. “Artiste,” – shkruan Rama dhe e shoqëron me një emoji që qesh me lot.