Lajme

Haziri ‘zbulon’ prapaskenat e bisedave mes Albin Kurtit dhe Vjosa Osmanit që zhbllokuan koalicionin LVV-LDK

02/11/2020 22:41
nga:Gazeta Blic

Nënkryetari i LDK-së dhe kryetari i Gjilanit, Lutfi Haziri ka thënë se LDK dhe LVV kanë pasur mosbesime të mëdha derisa kanë arrituar marrëveshje për koalicion qeverisës.

Haziri, në “Debat Plus” me Ermal Pandurin në RTV Dukagjini, ka thënë se pika e kthesës në raportet LDK-LVV ka qenë ofrimi i Vjosa Osmanit për mandat njëvjeçar në krye të Kuvendit.

Ai ka thënë se në takimin që kanë qenë bashkë me Isa Mustafën dhe Vjosa Osmanin me përfaqësuesit e Vetëvendosjes, Vjosa u ka bërë premtim se asnjë ditë nuk do të kalonte si kryetare e Kuvendit më shumë se me marrëveshje.

“Albini atëherë ka reagua duke i thënë Vjosës se “ne nuk të djegim dhe ofrojmë mandat katërvjeçar në krye të Kuvendit”, tha ai.

Haziri thotë se paraprakisht në LDK Vjosa ishte parashikuar që të merr pozitën më të lartë në qeveri që do të kishte LDK-ja.

I pari i Gjilanit thotë se nga Vetëvendosje ka pasur mosbesim dhe “ata nuk kanë qenë të bindur se ne jëmi të gatshëm për qeverisje me ta”.

Nënkryetari i LDK-së thotë se edhe për Vetëvendosjen nuk ka qenë e lehtë t’i ndryshojnë qëndrimet për të shkuar ne koalicion me LDK-në.

Haziri: LDK pa hezitim e nominon Isa Mustafën për president

04/23/2020 15:20

As Lutfi Haziri nuk mori pjesë në mbledhjen e Kryesisë së LDK-së, ku u vendos për kandidatin për kryeministër!