Lajme

Haziri konfirmon se Vjosa Osmani do të bëhet kryetare e Kuvendit

02/02/2020 22:23
nga:Norë Kelmendi

Nënkryetari i LDK’së Lutfi Haziri ka konfirmuar se Vjosa Osmani do të udhëheq me Kuvendin e Kosovës.

Në një deklaratë për emisionin ‘Pressing’, Haziri tha se Osmani do të marrë zyrtarisht nesër pozitën e të pares së legjislativit.

“Albin Kurti do të jetë kryeministër dhe Vosa Osmani kryetare e Kuvendit”, tha Haziri.

Ai shtoi se marrëveshja për bashkëqeverisje në mes të dy partive është arritur ditën e aprë të muajit shkurt.

Ndërkohë nëpërmjet një shkrimi në Facebook, vetë Osmani ka deklaruar se përkrah marrëveshjen e arritur me VV’në.

“Ngjarjet që rrjedhin jo gjithmonë janë pikërisht sic i kemi paramenduar. Por, sido që të jëtë, asnjë lindje nuk është e lehtë. Këtë e dimë më së miri ne që jemi nëna. Nuk është e lehtë as lindja e ndryshimit”, ka shkruar ajo.

Nesër, e hënë, do të mbahet seanca e Kuvendit të Kosovës, ku do të votohet për formimin e Qeverisë së re.

Sipas marrëveshjes që u nënshkrua sot, Qeveria e re e Kosovës, e udhëhequr nga LVV dhe LDK do të ketë 15 ministri, dy zëvendëskryeministra dhe rreth 33 zëvendësministra. Ndërkaq, kryetari i Kuvendit të Kosovës, do t’i takojë Lidhjes Demokratike të Kosovës.

03/27/2020 23:25

U rrëzua Kurti, por Vetëvendosje nuk tërhiqet: Kryeministri na takon ne