Gazeta angleze The Sun raporton se Harry Kane do të ketë ndryshuar planet e tij me ardhjen e Antonio Conte në krye të Tottenham.

Ardhja e trajnerit italian, i cili pasoi trajnerin portugez Nuno Espírito Santo, do ta ketë bërë sulmuesin anglez të besojë sërish në arritjen e titujve në klub, diçka që lojtari e pretendoi kur shprehu interesin për t’u transferuar te Manchester City verën e kaluar, përcjell GazetaBlic Sport.

Antonio Conte regjistron 3 kampionate italiane radhazi me Juventusin, një Premier League me Chelsean, pasi ka arritur të udhëheqë gjithashtu edhe Interin për të fituar kampionatin italian sezonin e kaluar, diçka që nuk kishte ndodhur që nga sezoni 2009/2010.

Përveç kësaj, gazeta angleze zbulon se trajneri italian do të ketë në dispozicion 180 milionë euro për nënshkrime, gjë që do të jetë një faktor kënaqësie për Kane, i sigurt për një përmirësim të qartë të skuadrës së Tottenhamit.

Tema e Kane dhe interesimi i tij për t’u larguar nga Londra, aq i përfolur në shtypin anglez, mund të mbyllet përfundimisht.

/GazetaBlic Sport/