Lajme

Haradinaj: Përfaqësimi i komuniteteve joshumicë në Kosovë është i garantuar

12/04/2017 15:28
nga:D.I

Kryeministri i Kosovës, Ramush Haradinaj, priti sot në takim përfaqësuesit e Këshillit Konsultativ për Komunitete, të udhëhequr nga kryesuesi i këtij Këshilli, Gazmen Salijević.

Siç bëhet e ditur në komunikatën për media të lëshuar nga zyra e kryeministrit, në takim u bisedua për punën e Këshillit si kategori kushtetuese dhe koordinimin e tij me Zyrën për Komunitete.

Kryesuesi i Këshillit, Gazmen Salijević, dhe anëtarët e informuan Haradinajn me punën e tyre dhe theksuan nevojën e zbatimit të rekomandimeve nga Ministritë përkatëse.

Haradinaj tha se komunitetet joshumicë janë pjesë integrale e Republikës së Kosovës dhe përfaqësimi i tyre është i garantuar.

Ai shtoi se do të intensifikojë bashkëpunimin në implementimin e rekomandimeve të Këshillit.

12/10/2017 22:42

Haradinaj viziton nesër shkollën e Erdoganit