Lajme

Haradinaj pas takimit me deputetët gjermanë: Kosova i ka përmbushur kriteret për liberalizimin e vizave

04/01/2019 10:46
nga:A. R.

Kryeministri i Kosovës, Ramush Haradinaj ka thënë se me Gjermaninë janë të fokusuar që marrëdhëniet t’i avancojnë në dimension të ri të bashkëpunimit e veçmas në aspektin ekonomik, njofton Gazeta Blic.

Haradinaj në takimin që ka zhvilluar me deputetët e Bundestagut Gjerman, Peter Bauer (CDU) dhe Christian Schmidt (CSU), kanë biseduar për zhvillimet e fundit politike në vend, kështu ka njoftuar ai përmes një shkrimi në ‘Facebook’.

Shkrimi i plotë i Ramush Haradinajt:

Me Gjermaninë, si shtet mik i Kosovës, jemi të fokusuar që marrëdhëniet e shkëlqyera t’i avancojmë në dimension të ri të bashkëpunimit, veçmas në aspektin ekonomik. Nder i veçantë të bashkëbisedoj me deputetët e Bundestagut Gjerman, Peter Bauer (CDU) dhe Christian Schmidt (CSU), për zhvillimet e fundit politike në vend, bashkëpunimin rajonal dhe perspektivën europiane të Kosovës. Kosova i ka përmbushur të gjitha kriteret për liberalizimin e vizave, dhe si qytetarë të lirë, synojmë anëtarësimin në familjen e madhe europiane. Thellësisht mirënjohës për qëndrimin e zëshëm gjerman për ruajtjen dhe mbrojtjen e sovranitetit dhe integritetit territorial të Kosovës.

RH

08/21/2019 09:07

Kjo është shenja më e pafat e horoskopit për sot