Hakan Calhanoglu e dinte se rekordi i tij i përsosur i penalltive nuk do të zgjaste përgjithmonë, por shpresonte se nuk do të thyhej në një lojë kaq të rëndësishme si përballja e Interit me Napolin sonte.

Inter dhe Napoli luajtën baraz 1-1, me turkun që humbi një penallti në pjesën e dytë – por realizoi golin e barazimit, përcjell GazetaBlic Sport.

Pas ndeshjes, ai tha se e dominuan takimin dhe meritonin fitoren.

“Mendoj se dominuam ndeshjen dhe merituam më shumë, thjesht ishim pak të pafat. Më vjen keq që sot humba penalltinë e parë për Interin, e dija që do të ndodhte herët a vonë, por jo në një lojë kaq të rëndësishme”, tha Calhanoglu për DAZN pas barazimit 1-1.

“Ishte një ndeshje intensive me shumë duele, ne u përpoqëm të gjenim sulmuesit tanë, por mbrojtësit e Napolit punuan mirë. Në pjesën e dytë ne kishim më shumë gjerësi me mbrojtësit e krahut, por nuk arritëm të shënonim një gol tjetër”, përfundoi ai.

/GazetaBlic Sport