Lajme

Gjuriq-Thaçit: Skam nevojë për dokumente kosovare

05/16/2018 08:53
nga:Q F

‘Zënkat’ dhe ‘thumbimet’  nga largësia në mes të presidentit të Kosovës Hashim Thaçit dhe drejtorit të ashtuquajturës Zyre për Kosovën në Qeverinë e Serbisë, Marko Gjuriq po vazhdojnë ende.

Presidenti i Republikës, Hashim Thaçi para disa ditësh i bëri kërkesë drejtorit të ashtuquajturës Zyre për Kosovën në Qeverinë e Serbisë, Marko Gjuriq, që të pajiset me dokumente të Kosovës, pasi ky i fundit po bën vizita të shpeshta në vendin tonë.

Kësisoj, sipas Thaçit, i njëjti do ta kishte më të lehtë të futet brenda territorit tonë.

Mirëpo, deklaratës së presidentit i është kundërpërgjigjur zyrtari nga Beogradi. Sipas tij, dokumentet kosovare janë të rreme dhe nuk kryejnë kurrfarë pune.

“Kryetari i institucioneve të përkohshme të Kosovës (Hashim Thaçi) nuk ka nevojë të më ofrojë dokumente të udhëtimit të cilat janë të rreme. Ia rikujtojë atij se me pasaportë serbe mund të udhëtojë në 119 vende të botës”, është shprehur Gjuriq, transmeton Indeksonline

Ai tha se pasaporta kosovare është e panevojshme kjo vërtetohet për faktin se liderët nga Kosova janë të pajisur me dokumente nga shteti i Shqipërisë.

“…Thaçi, Haradinaj dhe homologët e tyre në Prishtinë kanë pasaporta të Republikës së Shqipërisë”, është shprehur ai.

 

08/21/2018 09:20

Thaçi viziton BIK-un: Kosova është dhe do të mbetet tolerante ndaj besimeve