Berat Gjimshiti është deklaruar pas fitores në miqësoren e sotme ndaj Azerbajxhanit.

“Jemi të gjithë gati. Nuk është problem fakti që luaj me tre mbrojtës te Atalanta dhe me 4 te Shqipëria. Nuk është e vështirë për mua që të adaptohem.

Nuk kam diskutuar me Skamakën. Shokët e skuadrës sime më kanë thënë që duhet t’i bëj ndërhyrje të forta. Por nuk do të jetë Gjimshiti kundër Skamakës, por Shqipëria kundër Italisë. Do të sulmojmë të gjithë bashkë dhe do të mbrojmë të gjithë bashkë.

Kemi shumë lojtarë që kanë vite që luajnë në Serinë A. Kështu që e njohim shumë mirë kundërshtarin dhe lojtarët individualisht. Mendoj që do të jetë diçka pozitive për ne. Shpresojmë që t’i bëjmë të gjithë shqiptarët krenarë”, ka deklaruar kapiteni shqiptar.